ಕನ್ನಡ ರಾಜ್ಯೋತ್ಸವದ ಆಮಂತ್ರಣ

ನನ್ನ ಪ್ರೀತಿಯ ಕನ್ನಡಿಗರೇ,

               ಕೊನೆಗೂ ಆ ದಿನ ಬಂತು, ನಾವೆಲ್ಲರೂ ಒಂದೆಡೆ ಸೇರೋ ದಿನ, ಒಬ್ಬರಿಗೊಬ್ಬರು ಪರಿಚಯಿಸಿಕೊಳ್ಳುವ ದಿನ, ಒಟ್ಟಿಗೆ ಸಂಭ್ರಮಿಸುವ ದಿನ, ನಮ್ಮ ನಡುವೆಯೇ ಇರೋ ಪ್ರತಿಭಾವಂತರನ್ನು ಗುರುತಿಸಿ ಗೌರವಿಸೊ ದಿನ, ಪಲಾವಾ ಸಿಟಿಯಲ್ಲಿ ಕನ್ನಡದ ಕಂಪನ್ನು ಹರಡಿಸೋ ದಿನ, ದೂರದ ನಮ್ಮ ಊರುಗಳಲ್ಲಿ ಬಿಟ್ಟು ಬಂದ ಆ ಕನ್ನಡದ ಬೇರುಗಳಿಗೆ ಮತ್ತೆ ನೀರುಣಿಸುವ ದಿನ, ಕನ್ನಡದ ನೆಲ ಜಲ ಸ್ವಾಭಿಮಾನಕ್ಕಾಗಿ ದುಡಿದ ಕೋಟಿ ಕೋಟಿ ಮಹನೀಯರಿಗೆ ವಂದಿಸೋ ದಿನ, ಮುಂಬರುವ ನಮ್ಮ ಪೀಳಿಗೆಗೆ ಕನ್ನಡದ ಇತಿಹಾಸವನ್ನು ಕಲಿಸುವ ದಿನ, ತಾಯಿ ಕನ್ನಡಾಂಬೆಯ ಋಣವನ್ನು (ಸ್ವಲ್ಪವಾದರೂ) ತೀರಿಸೊ ದಿನ....

               ಹೌದು ಗೆಳೆಯರೇ, ನಾವೆಲ್ಲರು ಕಾತರದ ಕಣ್ಣುಗಳಿಂದ ಎದುರು ನೋಡುತ್ತಿರುವ ದಿನ ಈವತ್ತು.

ಬನ್ನಿ, ಎಲ್ಲರೂ ಬನ್ನಿ,ಕುಟುಂಬ ಸಮೇತರಾಗಿ ಬನ್ನಿ.

        ಕನ್ನಡ ರಾಜ್ಯೋತ್ಸವವನ್ನು ಆಚರಿಸೋಣ, ಸಂಭ್ರಮಿಸೋಣ, ಸತ್ಕರಿಸೋಣ, ಕನ್ನಡದ ಸಂಗೀತಕ್ಕೆ ಭಾವುಕರಾಗೋಣ, ಕನ್ನಡದ ಆ ಹಾಡುಗಳಿಗೆ ಕುಣಿದು ಕುಪ್ಪಳಿಸೋಣ. ಇದು ನಿಮ್ಮದೇ ಕಾರ್ಯಕ್ರಮ, ನಿಮ್ಮದೇ ಸಮಾರಂಭಕ್ಕೆ ನಿಮಗೆ ಆಮಂತ್ರಣ ಬೇಕೆ?????

(ಪಲಾವಾ ಸಿಟಿಯಲ್ಲಿ ನಡೆಸಿದ ಕನ್ನಡ ರಾಜ್ಯೋತ್ಸವ ಸಮಾರಂಭಕ್ಕೆ ಬರೆದ ಆಮಂತ್ರಣ)