ಪ್ರಾರ್ಥನೆ

ಬೀಜವೊಂದು ಕಾದು ಕುಳಿತಿದೆ
ಮಣ್ಣಿನಲಿ ಮರವಾಗುವ ಕನಸ ಹೊತ್ತು,
ಮಳೆ ಸುರಿಸುವೆಯ ಓ ಮೊಡವೆ...

ಹನಿಯೊಂದು ಕಾದು ಕುಳಿತಿದೆ
ಚಿಪ್ಪಿನಲಿ ಮುತ್ತಾಗುವ ಕನಸ ಹೊತ್ತು,
ಪೊರೆಯುವೆಯ ಓ ಸಾಗರವೆ...

ಶಿಲೆಯೊಂದು ಕಾದು ಕುಳಿತಿದೆ
ಬೆಟ್ಟದಡಿ ಶಿಲ್ಪವಾಗುವ ಕನಸ ಹೊತ್ತು,
ಕಡಿಯುವೆಯ ಓ ಶಿಲ್ಪಿಯೇ...

ಮೊಗ್ಗೊಂದು ಕಾದು ಕುಳಿತಿದೆ
ಎಲೆಯಡಿ ಕಾಯಾಗುವ ಕನಸ ಹೊತ್ತು,
ಬೆಳೆಸುವೆಯ ಓ ಮರವೆ...

ಮಧುವೊಂದು ಕಾದು ಕುಳಿತಿದೆ
ಹೂವಿನಲಿ ಜೇನಾಗುವ ಕನಸ ಹೊತ್ತು,
ಹೀರುವೆಯಾ ಓ ದುಂಬಿಯೆ...

ಎನ್ನ ಮಗುವೊಂದು ಕಾದು ಕುಳಿತಿದೆ
ಗರ್ಭದಲಿ ಜಗವ ಬೆಳಗೊ ಕನಸ ಹೊತ್ತು,
ಕಾಪಾಡುವೆಯ ಓ ದೈವವೇ...